طبع بينة .. الجرح

دحل ليل الشعر حد ما يلوح الكاع
وتعض الزلوف بدورة الشفة
طبع بينة الجرح ندعيلة حتى يطيب
الك بية جرح ادعيلة ما يشفى
يالي عيونك سما وطول الحواجب ليل
ضمني بسما عيونك اسهر واغفى
ويا ضي الوجه يالما طفيت بيوم
صدكني القمر من يشتعل يطفى
وياقوس القزح كل ساعه اشوفك لون
ويمر مرات لونك بية ماعرفه
دحل ليل الشعر حد ما يلوح الكاع
وتعض الزلوف بدورة الشفة
طبع بينة الجرح ندعيلة حتى يطيب
الك بية جرح ادعيله ما يشفى
تسالني شعجب ما وصفتني بيوم
وانة حاير بظلك لسة ما موصفة
يابو الصوت المورد يا سحر فيروز
حبيبي اجمل لحن بشفافك تعزفة
تمر مثل النهر والخطوة روجة ماي
واظل انة اعلى جرفك حاصد الوسفة
ويالخصرك مدور قمر عالي بعيد
مد ايده القلب مالاحك بجفة
من عينك ندى ينزل واشوفه يطيح
يلتم بورود جفوفك الترفة
تلتف اعلى طولك كل نجوم الليل
ويجي ينام القمر متوسدك صفة
واضم سرك علية وما ابوحن بيه
واذا دمعك بعينك عيني التذرفه
كل اصبع بجفك يضوي شمعة بليل
وكل خصلة شعر من كذلتك عفة
ياجمار عالي وما اضن تنلاح
لان عثكك هدل ما شالته السعفة
اذا بميزان انت وكل حواري العين
ماظن للغيرك تنزل الكفة
احلى من العسل بالشفة من تنضاك
ومرح مثل النسيم ودمك شخفة
حدر زيجك نهر مضموم ما ينشاف
لان الله طبك الظفة عالضفة
يا اول ندى ينكط شعر للروح
يالمشذر محبة وضحكتك زفة
شمس الله واكبر نزلت على الكاع
اجيت يمك حبيبي تريد تدفى

دحل ليل الشعر حد ما يلوح الكاع
وتعض الزلوف بدورة الشفة
طبع بينة الجرح ندعيلة حتى يطيب
الك بية جرح ادعيلة ما يشفى

عضو ذهبي المشاركات : 763 تاريخ التسجيل : 17/05/2010

نورتي صفحتي يا قمر

اداري المشاركات : 2135 تاريخ التسجيل : 18/05/2010

» الجرح بهذا الزمن مثل التحيه ^~^