السلام عليكم ورحمة الله وبركته
هذيه القصيد لعبدالله السميري الشاعر المعروف وعنوانها لذة الماء
يا معذب الاحباب يا غايب متـى وقـت الوصـول &انا على نار انتظـر رجعتـك لـو طـال الغيـاب
يا همي اللي لو يـزول العمـر كلـه مـا يـزول $يقرب من اللي في يدي وابعد علي مـن السحـاب
يا صيف عمري يا ربيع العمر يا اغلـى الفصـول&يا فرحتي يا سلـوت الايـام يـا انـواع العـذاب
يا بحر جده يا شفا الطايف يا حايـل وش اقـول& يا تراث مكه يا حضارة نجد يـا ابهـا والضبـاب
يا نغمة الاوتار يـا عـزف المسيقـى والطبـول&يا ضحكة الاحبـاب مـا بيـن التغلـي والعتـاب
يا عنفوان الخيـل يـا وقفـات ماضيـن الفعـول&يا نشوة الكسبان يـا عـزت عزيزيـن الجنـاب
يا ضحكة الاطفال يا النظـرات الطـرف الخجـول&يا هيبت السلطان يا قـدر اللحـاء حـق الرقـاب
يا حكمة العاقل يا عطف الام يـا معنـى القبـول&يا لذة الماء في ضمى الضميان يا عذب الشـراب
يا معجم الاخـلاق يـا فهـرس تعاليـم الاصـول&يـا روعـة الابـداع يـا بنـك المبـادي والآداب
فديت عمرك يا بعد عمري جعـل عمـرك يطـول&احسب حساب اللي حسب لحساب حسبتنا حسـاب
بجاه رب ام القـرى والقـدس وبجـاه الرسـول & انا مصـاب واجبـك يلزمـك باسعـاف المصـاب
صبرت حول وحال حول الحول واستقبلـت حـول &وانا انتظرك تذوب فـي قلبـي وقلبـي فيـك ذاب
وجيتك وانا كلي غـلا جيـت وانـا كلـي ميـول &النفس لرضاك حضرت والقلب لرضـاك استجـاب
وعجزت يا اصعب طلوع اسالك يا اصعـب نـزول&تصمت ولا احكي لك سؤال اصمت ولا تحكي جواب
عزلتني عن عالم مـا كنـت انـا عنـه معـزول &اطرد وراك العمر كله كانـي اطـرد لـي سـراب
سمعت قولي وانت قلـي ودي اسمـع وش تقـول&انـا طرحـت السـؤال ومنتـظـر رد الـجـواب
فانا رديت عليه وقلت
ياصاحبي وش تنتظر مني وش اكتب وش اقول & حبك فتح فيه جروح وحضرتك صاير مصاب
حملت عنك حمل مايتحمله رجل حمول & اقول تشرق شمسنا وشمسنا وقت الغياب
كلمة احبك روح اكتبها للخالين العقول &يمكن تصدق مير من يضمنك يالرجل الكذوب
صبرت لين الحب صار اليوم في شين خمول& صار القهر عندي رفيق وصار لي ثوب وثياب
لامن ذكرتك هلت الدمعه على خدي سيول& ماهي دموعن للوله الا من جروح العذاب
ان قلت خاين خاين وفيك النذاله والخذول & لو تابو الكفار تبقى طول عمرك بالخراب
فيك الصفاة السئيه والكذب هو احد الحلول& كذبت في حبي وصدقتك وعاملتك معاملة القراب
ياخاين العشره ومعنى الحب يالرجل الحيول& ياجراح اللي حبك ومسقيه من نار من العقاب
هذا هوه رد السوال انكان لك ليه سوال& وانا ترا ماني بباغي منك رد ولا جواب
ارجواء منكم التقييم من 10 على ردي وتقييمكم لايزعلنا بس اتمناء ان يكون نقدكم هادف ودائم انا عندي جمله ولازم اقولهاوهي
الله يستر بس ياساتر على كل العباد