السلام عليكم و رحمة الله و بركاته
بعد السلام :
نخش فيـ موضوعناااا
،،
اكيد كلنا بنحب النبي
و "اللي بيحب النبي" جمله بنسمعها كتير
المشكلة مش في الجملة نفسها
المشلة في اللي بيجي بعد الجملة دي
اللي بيحب النبي يرقص
اللي بيحب النبي يغني
اللي بيحب النبي يقتل
اللي بيحب النبي يسرق
يرتشي يكذب يزور ....إلخ
،،
اظن وصلت الفكرة
و كـ توضيح
ان في مجتمعنا ناس كتير بتعمل تصرفات غلط
و في النفس الوقت تلاقيها بتقولك اللي بيحب النبي لازم يعمل كذا
و كـ توضيع اكتر
واحد يقول لصحبه تعالى نشرب حشيش او نشيش فيرد عليه التاني
يقوله مليش مزاج و يكون الرد لو بتحب النبي تعالى !!!
،،
و في اغنية نازله بقالها فترة فيها كلام استفزني جدا
تقريبا كانت بتقول اللي بيحب النبي يرقص معانا !!
،،
اللي انا بستغربله ان احنا عملنا ثورات و مظاهرات لما الرسام الدنماركي رسم كاريكاتير مسئ للرسول عليه الصلاة و السلام
في حين
انا احنا في كلامنا و عادتنا و تصرفاتنا
بنسئ له كل يوم و كل ساعة و كل ثانية
اذا كنا احنا بنهين النبي بنفسنا
يبقى بنلوم ع الناس التانية ليه ؟؟
على الاقل احنا عارفين من هوه و بردو بنهينه
لكن هما ميعرفوش
يعني ذنبنا اكبر
ده احنا كمان مش مكفينا اننا بنعمل الغلط
لا و بننسبه للنبي
انا عارفه ان ناس كتير
هتقول انها مش قاصدة اهانة النبي
بس عمر ما كان نسب الغلط لحد له مبرر
و مفيش حد مننا يقبل ان يتنسبله الغلط
او يستخدم اسمه في الغلط
فمالك بالرسول عليه الصلاة و السلام
ناهيك عن مكانة الرسول عليه الصلاة و السلام
،،
اخيـــرا
احب اقول ان النبي
عليه الصلاة و السلام
برئ من كل الافعال و الكلام اللي بتتعمل تحت اسمه
و اننا لازم نراجع كلامنا كويس
،،
في انتظار رأيكم
،،
الإثنين نوفمبر 29, 2010 5:30 pm
