احمر بالخط العريض بنات النت لوق والفيس بوك

اداري المشاركات : 2135 تاريخ التسجيل : 18/05/2010

السلام عليكم ورحمة الله وبركاته

بخش سيدا بالموضوع
أكيدكلكم تعرفون النوت لوق والفيس بوك
موضوع حبيت انكم تشاركوني فيه وابي كل من دخل هالموضوع يعطيني رأيه

لان بجد شي يقهر وربي ان ظغطي يرتفع لمن اشوف هالاشياء

كان يا ما كان

قبل 10 سنوات او حولها

كنا لما نمشي في ديرتنا ونشوف اجنبيه فاتشه

تطير عيوننا .. نقول وش هذي .. يا ساتر ..

هذا في كان يا ما كان

الحييييييين

افتح ايميلي واشوف رساله من قروب مشهور... صور لبنات ويتفاخرون انهم سعوديات ..!

السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

مثال ..

صورتين

لـ 6او 7 بنات..في اوضاع وحركات غير مقبوله ابدا من بنت مسلمه وبنت ناس

قله الحيا هذي مهيب مقبوله!!

10 سنوات فتره موب قليله ..

كيف وصلنا لهذي الدرجه من فراغ الاخلاق . ؟؟

ليش صرنا نشوف صور كثيره.. وعناوين الصور

((سعوديات..سعوديات..سعوديات))

لو نتفرج عالصور..

نلقى رجول..

نلقى جزم!

نلقى اساور خضرا<<يعني ترا حنا سعوديات..

والفيس بوك عاد..والنوت لوق.. انواع الصور اللي مدري وش اقول عنها

شفايف..

* * *...

عيون..

ونادر ما تلقى وحده حاطه وجهها..

على فكره.. اللي تحط صوره وجهها,, محترمه اكثر من اللي ترزز اشياء ثانيه!!

يعني عشانكم تتغطون..تروحون تصورون ذا الصور..!

تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف

مضحك مر فيه..موقف مؤثر..

او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟

اذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..

ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..

وش هالفضاوه في العقل لدرجه انكم تصورون يدينكم.... رجلينكم..
ولا
((شنطكم الماركه))..

يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او

يمكن شكل الصوره حلو..

بس ان الوحده تجي تصور مقفاها.. هي وخوياتها.. وكاشخه باللي هي لابسته !!! وين حنا فيه

والمنتديات والقروبات السعوديه يتسابقون عليها وينشرونها بعد ..

بعدين انتي ياللي مصوره انتي وخوياتك..

يعني انتي همك الوحيد ما يشوفون وجهك عشان محد يعرفك..

بس مقفاك.. شفايفك.. و* * * *...... عادي يشوفونه ؟

لأن المهم عندك الناس.. موب الله ...!!

طيب صورتك قدام نفسك.... ما تهتز انك سويتي شي حقير ووضيع مثل هالشي؟؟

اصلاً.. كيف صورتوا صوره زي كذا.. يعني ما استحيتوا من بعض يا بنات؟؟

عيب يعني...... يعني عشانكم بنات مع بعض عادي تورون بعض يعني؟؟

ولا اقولكم..انا نسيت انكم ناشرين الصور للشباب..... فما يهمكم البنات..!

يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا..

ودي اعرف امك..وابوك..وش بينظرون لك بعد ذي الصور؟؟

حرام..اهلكم ربوكم احسن تربيه..

بس انتم للأسف ما ربيتوا انفسكم..

فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!

ولا قروب ثاني سعودي بعد... ..والصور اللي ناشرينها..

ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..!

طيب.... وبعدين؟؟ ابي افهم وش الهدف؟؟ مره وناسه؟؟ مره يضحك؟؟ مررررره كوووول انتم صراحه!!

طبعا ترى الكلام موب موجه للبنات فقط.. .. لأن يوجد عندنا وبكثره رجال عقول فاضيه..

اللي همهم نوم واكل.. ..وفلوس ياخذها من ابوه ولا امه!

تطوروا شوي.. ارتقوا شوي..اطلعوا بصوره احلى من كذا..

انتم عارفين ان النت اكبر وسيله انتشار..

اذكر مره عرضو.. في ام بي سي فور.. برنامج من برامجها عارض بروفايلات لبنات سعوديات.. باسماءهم..

طبعا موب اسماء حقيقه.. !

بس شوفوا الصور انتم!!
شفايف و اساور وشنط و* * * *
ومدري وشو..
علقوا على هالشي باننا متكمكمين بعبايتنا

عشان كذا نروح عن انفسنا بهاذي الطريقه..

ما تستحون؟؟ صوركم قدام انفسكم!؟ ما تهتز؟؟

انشرو شي حلو...حاولو تطلعون بشخصياتكم الحقيقيه.. موب تصيرون مثل الفنان الفلاني.. ولا البنت الفلانيه..

ليه بس تنشرون الشي الشين؟

انواع المقاطع الشينه تنتشر.. انواع الصور الشينه تنتشر..

ليه؟ وش استفدت؟؟ غير الذنب واالأثم.. انك خليت احد يشوفها.. وانك نشرت شي مو كويس عن

المسلمين!

اقولكم شي؟

شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا..طبعاً لفئه معينه من

الناس..

بس تدرون ان الكتاب تترجم لاكثر من 22 لغه؟؟

تدرون انهم برا يدرسون الكتاب ..

فيه دوله من الدول يدرسونه؟؟ تخيلوا؟؟

يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في

سلبيات!

مثلا عندناالحين في الجامعه يدرسون..روبنسون كروزوعلى اساس انه نص انجليزي يمثل الحياه الدينيه

والسياسيه الاجتماعيه في هذيك الفتره..

هم يدرسون (بنات الرياض) لتمثيل المجتمع السعودي!
ااااخ بس

انا ما الوم رجاء الصانع على اللي كتبته وكل اللي كتبته اشوفه

بعيني عندنا..

وكثيييرسووا عليه ضجه.. وكثثثير اعترضو عليه بعد

ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف !!

ليه تنكرون كل اللي بالقصه وانه موب موجود!

الا موجود ونص والدليل هاللي نشوفه بالنت والسوق والجامعه وكل مكان!

شلون الواحد يصلح مجتمعه؟؟

بأنه يغطي على اغلاطه ولا يحكيها عشان ما ينفضح قدام الاجانب والناس!

بس عادي يدشرون ويخربون وكل شي.. بس ما ينتشر عنهم شي!

ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم

سعوديين.... ناس طاهرين!

غلط ! كل دوله بالعالم فيها الصالح والطالح..

البيت الواحد فيه الصالح والطالح..

ما تحبون احد يحكي فيكم ابد.. بالرغم من كل الاغلاط بحياتكم..

ليه ماتسون شي يحسن سمعتكم!

وتظهر الجانب الحلو في كل سعودي وسعوديه؟

نبغى جيلنا السعودي الجديد ينتشر عنه كل شي حلو..

انا ما اقول انكم ما تنبسطون... بس برضه بحدود..

موب عشانكم ورا الشاشات .... الأمر يعني عادي؟؟

الصور اللي من النوعيه اللي ذكرتها في البدايه.. بطلوا تنزلونها النت.. بطلوا تحطونها بالبروفايل حقكم.. ترا صدق يعني هالشي ما يبين الا فضاوه عقولكم....لأن هالبروفايل يبين شخصيتك..

وابي اتطرق لموضوع دخل فجأه معاي ..
بس لازم اعلق عليه(( فضيحه بنت .. الخ)) هالنوعيه من الصور

والفيدوهات.. ترا عليكم اثم لو نشرتوها..

حرام.. يعني ما تخافون من ربي؟؟

اولاً نشرت شي حرام. ثاني شي ما سترت على بنت او ولد الناس..

ما تخاف ربي يفضحك بشي بعد سنه او 2 او 100!!

قال الرسول صلى الله عليه وسلم

(من ستر على مؤمن بالدنيا,,ستر الله عليه بالاخره)

ابغى اذا احد من هالشباب لاراح مصر ولاسوريا وطلع ع البيست
وقال((احلى تحيه لشعب السعوديه)) وعادها 6 او 10 مرات..

اعرف ليه قالها.. واقول معي حق اني اصــفــــــق..

ملاحظه:

حتى في كلامك ياليت يكون في فيه نوعيه من الآحترام والالفاظ الطيبه اللي تدل على انك من جد((انسان-سعودي-مسلم-محترم-خلوق-مثقف-صاحب قلم رآقي))

اعذروني ع الاطاله ..
أتمنى أشوف أرائكم ونقاشاتكم الحلوه بهالموضوع..
في امان الله

اداري المشاركات : 2135 تاريخ التسجيل : 18/05/2010

» صور انمي بنات
» إيه رأيك خطيب فى الإيد وحبيب على النت ؟؟؟؟
» هل تعرف ماذا يوجد فى النت؟؟ اذا ادخل هنا