السلام عليكن ورحمة الله وبركاته
انا جربت حاجة جميلة وقلت اقولكوا عليها
طبعا كلنا متعودين نقلي البيض بالسمنة البلدي
بس حد جرب يقليه بالقشطة؟؟
انا عن نفسي جربته وطلع تحففففففففففة
خفيف ولذيذ جدا
بس انا بطلت اشتري قشطة من برا
عملتلها علبة بلاستيك وخليتها في الفريزر
وكل ما اغلي اللبن اشيل القشطة من ع الوش واحطها ف العلبة وارجعها الفريزر
بعد مرتين تلاتة بلاقي عندي كمية كبيرة بعمل بيها اللي انا عايزاه
حطي قطعة من القشطة ف طاسة تيفال وسيبيها تسيح
وبعدين حطي عليها البيض (أومليت أو عيون)
ولما يستوي شويه ملح وفلفل أسود
ودوقي احلى طبق بيض وادعيلي
ده غير اني بوفر ف السمنة البلدي ومش بتكلف اي حاجة
لأننا كدة كدة بنشتري لبن!
عشان خاطري اللي يجربها يقولي
بحبكن ف الله
الأحد مايو 23, 2010 4:56 pm
