والله تموتون من الضحك ..موقف مضحك

هذي السالفه صارت لوحده
تقول فيها مرة من المراري
كنت قاعده في الملحق انا وخالتي ام زوجي وخوات زوجي وكنت توني معرسه مابعد كملت سنه اظن
وفيني رجه مهيب طبيعيه
المهم كلمت ابو الشباب{زوجي} مدري هو كلمني قلت له وينك تاخرت؟؟
قال في الحاره قريب عندكم..
والله ويغزني ابليس قلت ورى ماتروحين تخبين ورى الجدار تروعين رجلك
مير اسمع باب الكراج ينفتح واطييييييييييير اركض اتخبى ورى الجدار
واسمع باب الكراج يتسكر
وانا عاد اقوم استعد احمي يديني للخبطه
واسمع باب السياره ينفتح
واخذ نفس
واسمع خطواته جاايه
المهم مادريت الا الرجال يمشي
عاد طريقه الجدار الي عند الكراج اذا دخل يصير معطيني ظهره وانا وراه
ياليت يوم ابليس غزني قال اصرخي في وجه اسحبي شماغه
بس بليس قال اهبديه
وظلااام جهت الكراج
واجي طاايره وباقوى قوه اقدر اسويها اخبطه مع ظهره من ورى بين كتووفه
<<<<الله من الثقاله حتى في المزح خخخخخخخخخ
مسيكين هو من قوه الخبطه
ومادريت الا الكراج ينفتح مره ثانيه
صار الي جاااي اول اخوو رجلي
وهو الي تلقى الضربه ارض جو
والله اني بغيت انحاش مع باب الكراج يوم انفتح من الفشيله
واطلب الطلااق
التفت علي قااااااااااااااااااال عمىىىىى
عاد انا بغيت ازعل يوم قال عمىىىىى
<<لها وجه تزعل
لو تشوفوني اااسفه اااسفه ومغطيه وجهي بيدي احسبك فلااان
<<<<يقالك ستيره متغطيه خخخخخخخخخخ
قال تكفين خفي على اخووي خخخخخخخخخخخخ
و انا الي اروح لزوجي وانا ازبد من الحمق<<<بعير مو انسانه
واقوله السالفه
قال اشوى فيه ولا فيني خخخخخخخخخ
قلت رح تعذر له واشتر له فكس على حسابنا خخخخخخخخ
عاد زوجي قال ترى فلانه تحسبك انا لاني مكلمه قايل انا قريب حول البيت
قال الله يصبرك يااخوي انتبه لاتزعلها تذبحك خخخخخخخخخ
اذا هذا مزح اجل شلون اذا زعلت